“SINGULAR DENDA” GARA
Bereizgarri hau Gipuzkoako Merkataritza Federazioak (FMG) eta Gipuzkoako Foru Aldundiak eskaintzen duten Singular dendak programari atxikitzearen emaitza da. Esker oneko gaude bi erakundeekin programa eder horretan egoteko aukera eman digutelako.
Eskerrik asko, bereziki, Verónica Cazalisen talde osoari, hala nola Karmele Cazalis, Marian Gartzia eta Aitziber Tarangori, beren ahalegin, dedikazio eta lan bikainagatik.
Negozioaren barne azterketan, gure “tripetan” zer hobetu bila (batere erraza ez batzuetan), urtebete baino gehiagoko lanaren ondoren, arrakastaz gainditu dugu programa. Eta harro gaude, ez bakarrik egindako lanak aintzatespena izan duelako, baizik eta etengabeko hobekuntza horren helburua gure bezerook eta zuen gozamena zaretelako. Horrek zoriontsu egiten gaitu!
Beraz, 2022ko apirilaren 28an guapa jarri ginen, aurten onartu gaituzten beste 17 saltoki singularrekin batera, Gu San Sebastian espazio ederrean biltzeko. Zer ondo zaindu gintuzten! Bertan ziren Aldundiko eta Udaletako ordezkariak, baita Gipuzkoako Merkataritza Federaziokoak ere. Hori guztia oso ondo zehaztuta dago El Diario Vascoren artikulu honetan: https://www.diariovasco.com/gipuzkoa/nuevos-establecimientos-guipuzcoanos-20220428212441-nt.html
Esan beharra dago aukera bereziki apartekoa zela guretzat, ez bakarrik ibilbidea elkarrekin egiteko plazera izan dugun beste denda batzuetako jendea zegoelako, baizik eta, gainera, Zarauzko beste bi aintzatespenak izan zirelako Aurora Miralles Estudiorentzat, lagun handia, eta Cazalis zapata-dendarentzat. Zapata-denda hori nire amonak sortu zuen, eta, aitaren ondoren, nire ahizpa Fatima Cazalisek eta haren alaba Maria Larrañagak dihardute han orain, Nandi Velazquezekin batera, beste lagun maite bat. Tira, aintzatespenak ondo merezitakoak dira, eta niretzat, zarauztar askorentzat bezala, hurbiltasun berezikoak.
Baina hau ez da hemen amaitzen. Gure helburua da hobetzen jarraitzea eta hurbileko saltokia izatea, zuen produktu/zerbitzuaren bila etxera bezala joango zareten txokoa. Beraz, denak emanda jarraitzen dugu, egunez egun hobetzeko lanean. Eskerrik asko posible egiteagatik!